Тыркуем икъалэу Орхьанлы щыӀэ Адыгэ Хасэм шышъхьэӀум и 23-м Адыгэ Культурэ Фестиваль зэхищагъ, ащ хэлэжьагъэх Тыркуем, Кавказым щыӀэ Адыгэ хэкум, нэмыкӀ къэралхэм къарыкӀыгъэ Адыгэ орэдыӀо, музыкантхэр, Адыгэ къашъо, орэдыӀо купхэр.
Къалэм щыӀэ Адыгэ Хасэм къыхиутыгъэ видеохэм, сурэтхэм къызэращыхэщырэмкӀэ, фестивалыр идэхагъэкӀэ гъэшӀэгъоныгъ, Адыгэ орэдыӀохэм, Адыгэ купхэм къашӀыгъэ къэгъэлъэгъонхэмкӀэ гъэшӀэгъоныгъ. Фестивалым нэбгырэ мин пчъагъэ щызэӀукӀагъ.
Шъугу къэтэгъэкӀыжьы, Тыркуем щыӀэ Адыгэ къуаджэ 300-м ехъумэ анэмыкӀэу, Адыгэ Хасэ 200-м ехъу Тыркуем икъалэ зэфэшъхьафхэм анахьэу ащэлажьэ. ЗэралъытэрэмкӀэ, Адыгэ нэбгырэ миллиони 5-м ехъу Тыркуем щэпсэу.
Comments
Post a Comment