ШӀэкIогъум и 11-м Къэбэртэе-Бэлъкъар Республикэм (адыгэхэм ятарихъ хэку икъокӏыпӏэ лъэныкъу) ит къушъхьэу Ӏуашъхьэмафэ (Эльбрус - метрэ 5642-рэ) ос-щычъэ лъэхъаныр къыщызэӏуахыгъ. Информацие агентствэу «РИА Кабардино-Балкария» зыфиӏорэм къызэритырэмкӏэ, курортым метрэ 3500 — м къыщегъэжьагъэу 3847 — м нэс зилъэгэгъэ лъэгапӏэхэу «Гарабаши-Мир» зыфиӏорэр къыщызэӏуахыгъ.
Кӏымэфэ спорт лъэпкъхэр апэрэу зикӏасэхэр километритӏу хъурэ «плъыжь» гъогум (гурыт къиныгъохэм) ештэх.
Нэмыкӏ гъогухэми ягъэхьазырын макӏо.
Джыдэдэм Ӏуашъхьэмафэ ом изытет чъыӏэ: жьым итемпературэ градус-14-м нэсэу къеӏыхы. Осыр икъоу ыкӏи ӏэрыфэгъоу къэчъыхьаным пае ос зишIырэ топ 48-рэ къыхагъэлажьэ.
Comments
Post a Comment