Къэбэрдей-Балъкъэрым (Адыгэ хэкум и къокӏыпӏэ лъэныкъу) щыщ адыгэ къашъо ансамблэу "Дуней" апэрэ чIыпIэр къыхьыгъ чъэпэогъум и 16-м къыщегъэжьагъэу и 19-м нэс Истамбыл щекӏуагъэ феестивалэу "World of Art: Istanbul Festival". Ащ фэгъэхьыгъэу Къэбэртэе-Бэлъкъар Республикэм культурэмкӏэ и Министерствэ ипресс-къулыкъу къэбар къытыгъ.
Хореографие-Къашъо къэгъэлъэгъониплӏ купым къыгъэлъэгъуагъ. Ахэм ащыщэу щым — «Лъэгъэджэгу», «Абхъаз къашъо» ыкӏи «Джэгу зэхэшэ» зыфиӏохэрэм япэрэ шъуашэ зиӏэ лауреатыцӏэр афагъэшъошагъ.
Фестивалым иапшъэрэ тын-Гран-при - хореографие-къашъо композициеу «Хэхэс джэгу» зыфиӏорэм къыфагъэшъошагъ.
Ащ нэмыкӏэу ансамблэм икъэшъуакIо-шъхьаI Алтуев Алим номинациеу «фестивалым икъэшъокӏо Анахь Дэгъу» зыфиӏорэм хэушъхьафыкӏыгъэ шӏухьафтын къыфагъэшъошагъ.
Гъэхъагъэу ышIагъэхэм апае купэу «Дуней» Испанием щыкӏощт дунэе фестивалым хэлэжьэнэу официальнэу рагъэблэгъагъ.
Comments
Post a Comment