Аустралием щыщ Адыгэ спортменэу Джамырзэ Зарэ сэшхо-бэнэнымкIэ Темыр Америкэм изэнэкъокъу (кубок) чъэпэогъум Америкэ Зэгот Хэгъэгухэм ит къалэу Орландо щыкӏуагъэм дэгъу дэдэу зыкъыщигъэлъэгъуагъ. Америкэм сэшхокӏэ банэхэрэм анахь лъэш 119-рэ зыхэлэжьэгъэ зэнэкъокъум джэрз медалыр къыщыдихыгъ. Ар адыгэ активистхэм Facebook-м къыщаӏуагъ.
Зэнэкъокъухэр зырегъажьэхэм, рейтингым я 43-рэ сатырыр щиубытызэ, Зарэ техникэ гъэшӏэгъон къыгъэлъэгъуагъ. Текӏоныгъэу къыдихыгъэхэм рейтингым ятфэнэрэ ыкӏи ятӏонэрэ чIыпIэ зиубытхэрэр ахэтыгъ.
Джамырзэ Зарэ ныбжьыкIэ нахь мышIэми гъэхъагъэ инхэр иIэх. Ар Аустралием ичемпион (нахьыжьыхэмкIи ныбжьыкIэхэмкIи), хэгъэгу зэгъусэхэу Комонуелф зыфиIорэм ичемпион.
Comments
Post a Comment