2026‑рэ илъэсым чъэпэогъум и 3-м къыщегъэжьагъэу и 4-м нэс къалэу Кронштадт (УФ-м) робототехникэмкӏэ дунэе фестивалэу «РобоФинист-2026» зыфиӏорэр щыкӏуагъ. Мыгъэ инженер ныбжьыкӏэ миным ехъу зэфищагъ. Ащ мэфитӏум къыкӏоцӏ хьакӏэу нэбгырэ 10000-м ехъу къекӏолӏагъ. Роботхэм ягъэпсынкӏэ, ягъэӏорышӏэнкӏэ ӏэпэӏэсэныгъэу аӏэкӏэлъыр хэлэжьагъэхэм къагъэлъэгъуагъ.
Зэнэкъокъоу "Псы-роботхэр" зыфиӏорэм Адыгеим къикӏыгъэ егъэджэн гупчэу "Турбо" зыфиӏорэм икуп апэрэ чӏыпӏэр къыщыдихыгъ. Ащ хэхьагъэх: ЕгъэджапIэ (МБОУ) № 23 зыфиӏорэм икӏэлэеджакӏоу Гончаров Данила (къуаджэу Ханская); Шалыгин Дмитрий, ЕгъэджапIэ (МБОУ) Мыекъуапэ гимнасие № 5 зыфиӏорэм икӏэлэеджакӏу. Купым ипащэ : ЕгъэджапIэ (УЦКО) «Турбо» зыфиӏорэм икӏэлэегъэджэ шъхьаӏэу Сергеев Маринэ ары.
Мы категорием егъэджэн гупчэу «Турбо» зыфиӏорэм икуп сыд фэдэрэ лъэныкъокӏи зыпкъ итэу кӏэух ин къыщигъэлъэгъуагъ. Роботым изэхэлъыкӏэ егупшысагъэм, программэ шIыгъэнымкӏэ ицыхьэ зытелъ лъэгапӏэм, тэрэзэу гъэпсыгъэ гухэлъ-шъхьаI амал къатыгъ, дышъэр къахьынэу, — къыщаӏуагъ Адыгэ Республикэм гъэсэныгъэмрэ шӏэныгъэмрэкӏэ и Министерствэ.
Comments
Post a Comment