Адыгэ Республикэм икъэлэ шъхьаӏэу Мыекъуапэ искусствэхэмкӏэ икӏэлэцӏыкӏу еджапӏэу № 1-м Я VI-рэ Дунэе кинофестивалэу «Саусэрыкъо Дышъэ» зыфиӏорэр къыщызэӏуахыгъ.
Ыпэм фестивалым цIэу иIагъэр "Адыгея,шӏу усэлъэгъу!", мы илъэсым дунэе статус иӏэ хъугъэ ыкӏи адыгэ лъэпкъым икультурэ кӏэн бай фэзыгъэхьырэ тамгъэ цӏэ иӏэ хъугъэ. Джащ фэдэу гъэзетэу «Советская Адыгеим» къеты.
Мыгъэ зэнэкъокъум лъэӏу тхылъ пчъагъэ къыӏэкӏэхьагъ - къэралыгъо 22-мэ къарыкӏыгъэ кинематографистхэм ӏофшӏэн миным ехъу щыIагъ. Фестивалым ипрограммэ икъоу къызыхахым ыуж Урысыем, Беларусым, Бразилием, Монголием, Испанием, Узбекистан къарыкӏыгъэ фильмэ 51-рэ хэхьагъ. Джыри филм 12 зэнэкъокъу программэм хэмытэу къагъэлъэгъощт.
Текӏоныгъэр къыдэзыхыгъэхэм ацӏэхэр чъэпыогъум и 16-м къаӏощтых. Шӏухьафтыным фэгъэхьыгъэ ӏофтхьабзэр Адыгэ къэралыгъо университетым иконцерт унэм щыкӏощт.
Comments
Post a Comment