Адыгэ Республикэм культурэмкӏэ и Министерствэ къызэритыгъэмкӏэ, Мыекъопэ «Лъэпкъ унэу» А.С. Пушкиным ыцӏэ зыхьырэм хабзэ хъугъэ адыгэ ыкӏи гъэкIэжьыгъэ шъуашэхэр къыщагъэлъэгъощтых.
"Адыгеим лъэпкъ адыгэ шъуашэм b vафэ илъэс 15 зэрэхъугъэр хигъэунэфыкӏыщт-адыгэ культурэм ыкӏи тарихъ кӏэным ятамыгъэ шъхьаӏэхэм ащыщ фэгъэхьыгъэ мэфэкӏ. Джырэ пщыналъэхэм, къашъохэм хабзэхэр адэзыштэрэ программэ хьакӏэхэм къяжэ», — къыщыхагъэщыгъ министерствэм.
Адыгэ шъуашэр щыгъын къодыеу зэрэщымытыр зэхэщакӏохэм къыхагъэщы; ащ исурэтхэм, тхыпхъэхэм, пкъыгъохэм лъэпкъым итарихъ, инапэ, ишӏушӏагъэ къагъэлъагъо. Мы хъугъэ-шӏагъэм амал къеты мы кӏэным икӏэрыкӏэу зыфагъэзэнэу ыкӏи лъэпкъ хабзэхэр джырэ мафэхэм зэрэпсэухэрэр, хэхъоныгъэ зэрашӏырэр алъэгъунэу.
Мыекъуапэ шъуашэхэм якъэгъэлъэгъон Iоныгъо мазэм и 28-м сыхьатыр 16:00-м рагъэжьэщт. Сыхьатыр 17:00 — м мэфэкӏ концерт щыӏэщт, 18: 00-м - «Адыгэ джэгу» (хабзэ хъугъэ лъэпкъ джэгу).
Лъэпкъ шъуашэм и мафэ ипэгъокӏэу Адыгеим икъэлэ шъхьаӏэу Мыекъуапэ ӏофтхьэбзэ заулэ щыкӏогъах. Адыгэ дизайнер цӏэрыӏохэр зыхэлэжьэгъэхэ лъэпкъ шъуашэр къэухъумэгъэным иӏофыгъохэм Лъэпкъ музеим щатегущыӏагъэх. Хабзэ шъуашэм ишӏыкӏэ-гъэпсыкӏэхэм, ахэр джырэ уахътэм диштэу зэхэфыгъэнхэм афэгъэхьыгъэ къэгущыIэгъухэр республикэ сурэт галереем щыкӏуагъ, джащ фэдэу адыгэ дышъэ дэнымкӏэ мастер-класс щыкӏуагъ. Мэфэкӏ ӏофтхьабзэхэри Адыгеим ишъолъыр зэфэшъхьафхэм ащыкӏощтых.
Лъэпкъ адыгэ шъуащэм и мафэ хагъэунэфыкIи адыгэ хэкум изэфэшъхьаф шъолъырхэм — Къэбэртае-Балъкъэр Республикэм, Къэрэшй-Шэрджэс Республикэм, Шапсыгъым (хы шIыцIэ Iушъом).
Тыркуем, Иорданием, Сирием, Израиль, Европэм ихэгъэгухэм, Америкэм, нэмыкӏ къэралыгъохэм ащыӏэ адыгэ диаспорэми мы мафэр хагъэунэфыкӏы.
Comments
Post a Comment