«Темыр Кавказым щыпсэурэ лъэпкъхэм язэныбджэгъуныгъэ» къушъхьэфачъэ зэнэкъокъур Адыгеим щырагъэжьагъ

 

«Темыр Кавказым щыпсэурэ лъэпкъхэм язэныбджэгъуныгъэ» зыфиӏорэм ия 34-рэ къушъхьэфачъэ зэнэкъокъур къалэу Мыекъуапэ – Адыгэ Республикэм икъэлэ шъхьаӏэ щырагъэжьагъ. Ар Урысые Федерацием ичемпионат щыщ, Iоныгъо мазэм и 7-м щегъэжьагъэу и 13-м нэс кӏощт.

Мы илъэсым Мыекъуапэрэ Грознэмрэ зэзыпхырэ гъогур едзыгъуибл къыхеубытэ.

Адыгэ Республикэм, Къэрэщэе-Щэрджэс Республикэм, Къэбэртэе-Бэлъкъар Республикэм, Чэчэн Республикэм ячӏыгу километрэ 930-м ехъу хэлэжьэщтхэм зэпачыщт.