Ингушетие Республикэм и къэралыгъо къэгъэлъэгъон галерее Адыгэ Республикэм и Лъэпкъ музей икъэгъэлъэгъон проектэу " Адыгэ бзылъфыгъэ. Зэгурыӏоныгъэр, дэхагъэр, стиль» къыщызэIуахыгъ.
Адыгэ Республикэм культурэмкӏэ и Министерствэ къызэрэщаӏуагъэмкӏэ , зыми фэмыдэ экспонатхэмкӏэ дунаим исурэт зэрэзэхэлъым, адыгэ бзылъфыгъэм иакъыл нэшанэхэм язэхъокӏыныгъэ къэгъэлъэгъоным къыщагъэлъэгъуагъ.
Апэрэу зы экспозицэ шъолъырым къыдыхэлъытагъэу хабзэ хъугъэ десэхэр, мэхьанэшхо зиӏэ щыӏэныгъэ хъугъэ — шӏагъэхэр, адыгэ цае комплексхэм, гъэдэхалъэхэм, ӏэрышӏ пкъыгъохэм, хьакъу-шыкъухэм, щыӏэкӏэ-псэукӏэм хэхьэрэ пкъыгъохэм, адыгэ бзылъфыгъэхэм якультовэ атрибутхэм янэшанэхэр къэзыгъэлъэгъорэ музей пкъыгъохэр къагъэлъэгъуагъэх, - къыщыхагъэщыгъ Адыгеим культурэмкӏэ и Министерствэ.
Къэгъэлъэгъоным иӏофшӏэн 2026-рэ илъэсым шэкIогъум и 8-м нэс щыӏэщт. Адыгэ Республикэм икъэралыгъо программэу «культурэм ихэхъоныгъ» зыфиӏорэм къыдыхэлъытагъэу ар къагъэлъагъо.
Сурэтыр: Алексей Гусевыр-Советскэ Адыгей
Comments
Post a Comment