Налшык икъохьлъатэ-тIысыпIэм мы аужырэ мэзихым нэбгырэ 104 500-рэ щыбыбыгъ, блэкӏыгъэ илъэсым мыщ фэдэ иуахътэ егъэпшагъэмэ, ар процент 33-кӏэ нахьыб. Ащ фэгъэхьыгъэу каналэу МАКС-м къыщиӏуагъ Къэбэртэе-Бэлъкъар Республикэм и лӏышъхьэу КIокIо Казбек. Ар щышъхьэIум и 14-м Налщык и дунэе къохьлъатэ-тIысыпIэм щыӏагъ.
Къохьлъатэ-тIысыпIэм ибыб-гъогухэм хэхъоныгъэ ышӏыным, быбынхэмкӏэ географием зегъэушъомбгъугъэным ар къакӏэкӏуагъ.
Гущыӏэм пае, Москва быбрэ кIогъухэм япчъагъэ хагъэхъуагъ, Шъачъэ ыкӏи Санкт-Петербург ренэу кӏорэ къохьлъатэхэр атӏупщыгъэх, Казань кӏохэрэр, джащ фэдэу Саудие Арабием дунэе кIогъухэр щашӏых. Къихьащт илъэсым Екатеринбург кӏонэу агъэнэфагъ.
Comments
Post a Comment