Мыекъуапэ щыкӏощт кинофестивалэу «Саусэрыкъо Дышъэ» зыфиӏорэм къэралыгъо 22-мэ къарыкӏыгъэ лъэӏу тхылъ 1000-м ехъу къыӏэкӏэхьагъ. Ащ фэгъэхьыгъэу гъэзетэу «Советская Адыгея» зыфиӏорэм проектым изэхэщэкӏо комитет къыӏуагъэм тегъэпсыхьагъэу макъэ къыгъэӏугъ.
Фестивалыр чъэпыогъум и 14-м къыщегъэжьагъэу и 16-м нэс кӏощт. Джыдэдэм хэшыпыкӏыгъэ комиссием зэнэкъокъу ыкӏи зэнэкъокъум хэмыт программэхэр зэхещэх, ахэр проектым исайт къыщыхаутыщтых.
Апэрэр номинацииплӏэу зэхэтыщт: джэгукӏэ, документальнэ, анимационнэ ыкӏи нейросетевой кино. Мыгъэ фестивалым къыдыхэлъытагъэу лъэпкъ зэнэкъокъури щыӏэщт, Адыгеим икинематографистхэм яджэгу, ядокументальнэ ыкӏи анимационнэ фильмэ анахь дэгъухэр жюрим щигъэнэфэщтых.
Comments
Post a Comment