Иорданием щыӏэ Адыгэ хасэ гупчъэм ишIыхьафшIэ куп (клуб) кӏалэхэмрэ пшъашъэхэмрэ апае Иордан Хашимит Пачъыхьагъум икъыблэкӏэ чӏыпӏэ дахэхэм, гъэшӏэгъонхэм кӏонэу зэхищагъ. Клубым и Facebook нэкӏубгъо ар къыщатхыгъ.
Зекӏоным къыхиубытэщтыгъэх джипхэмкӏэ зекӏоныр, лъэсэу зекӏоныр, чӏыпӏэ щхапIэм щыщхэнхэр, машӏом дэжь адыгэ орэдхэр ыкӏи, ӏо хэлъэп, адыгэ къашъо къешӏагъэх. Зекӏо реным адыгэ ныбжьыкӏэхэм адыгэ ныпыр (быракъыр) ашъхьагъ щыбыбатэщтыгъэ.
Къэбарым джащ фэдэу зэхэщакӏохэм зекӏоным хэлэжьэрэ пстэуми, ащ изэхэщэн зиӏахьышӏу хэзышӏыхьэгъэ пстэуми зэрафэразэхэр къыщаӏуагъ. Ащ фэдэ ӏофтхьабзэхэр тапэкӏи зэрэзэхащэщтхэри атхыгъ.
Сурэтхэр клубым инэкӏубгъо къыщыхаутыгъэх.
Comments
Post a Comment