Илъэс 18-м нэс зыныбжь спортсменхэм дзюдомкӏэ Азием и Кубок Гонконг щаухыгъ. Къэбэртэе-Бэлъкъар Республикэм спортымкӏэ и Министерствэ къызэритыгъэмкӏэ, къэралыгъо 13-мэ къарыкӏыгъэ бэнэкӏо нэбгыри 120-рэ зэнэкъокъум хэлэжьагъ.
Къэбэртэе-Бэлъкъарым щыщ адыгэ зэш-зэшыпхъухэм гъэхъэгъэшӏухэр ашӏыгъэх, ялъэпкъ командэ пае медаль зэфэшъхьафитӏу ядэжь къащэжьыгъ.
Килограмм 48-м нэс къэзыщэчыхэрэм якуп дышъэр къыщыдихыгъ тиспортменэу Алина Гаданэ. Ащ ицыхьэ телъэу зэкӏэ изэнэкъокъухэр турнирым щыригъэкӏокӏыгъэх, нэкъокъогъухэм зы амал къафимыгъанэу.
Амирхан Гаданэ килограмм 46-м нэс къэзыщэчыхэрэм джэрзыр къащихьыгъ.финал цӏыкӏум иппон-м гъэшӏэгъонэу тыридзэзэ ипӏалъэм къыпэу текӏоныгъэр къыщыдихыгъ.
Дунаим и Кубокэу Эквадорым щыкӏощтым изыфэгъэхьазырын мы зэнэкъокъухэр мэхьанэшхо зиӏэ едзыгъоу хъугъэх.
Спортменитӏуми тренерэу Гаданэ Залим япащэу загъэсагъ.
Comments
Post a Comment