Адыгэ спортмен цӏэрыӏоу Шъхьащэкъо Кимэ (1965-рэ илъэсым мэзаем и 8-м Къэхъугъ) Къалэу Адыгэкъалэ (Адыгэ Республикэм) щыщэу УФ-м шъхьафит ыкӏи грек-урым бэнакӏэмкӏэ изэӏухыгъэ чемпионатэу бэдзэогъум и 26-м къыщегъэжьагъэу и 27-м нэс Москва щыкӏуагъэм текӏоныгъэр къыщыдихыгъ. Зэнэкъокъум икӏэуххэр урысые федерацием бэнэнымкӏэ исайт къыщыхаутыгъэх.
Шъхьащэкъо Кимэ ныбжь купэу f (илъэс 61-65-рэ) килограмми 100-м нэс къэзыщэчыхэрэм ахэтыгъ. Дагъыстан, Москва, Санкт-Петербург, Чэчэным ялӏыкӏо спортмениплӏымэ ар янэкъокъугъ.
Адыгэкъалэ итхьэматэу Хьачмамыкъо Азэмат чылагъо хъытыухэм нэкӏубгъоу ащыриӏэм текӏоныгъэр къызэрэщыдихыгъэм фэшӏ бэнакӏом фэгушӏуагъ.
Comments
Post a Comment