Адыгэ культурэм ифестиваль 2026-рэ илъэсым бэдзэогъум и 17-18-м Тыркуем ит шъолъырэу Кайсери дэт адыгэ къуаджэу Кайнар щыкӏуагъ. Фестивалым имэфитӏум къыкӏоцӏ Тыркуем, дунаим инэмыкӏ хэгъэгухэм, адыгэхэм яхэгъэгу къарыкӏыгъэ нэбгырэ минишъэм ехъу адыгэ къуаджэм къекӏолӏагъ.
Ар Кайсери шъолъырым щызэхащэрэ яенэрэ фестивалэу щыт. Фестивалым кӏэщакӏо фэхъугъэр ыкӏи изэхэщакӏор шъолъырым ичӏыпӏэ пащэхэм яӏэпыӏэгъукӏэ Къалэу Кайсери дэт Кавказ (Адыгэ) хасэр ары.
Аужырэ илъэсхэм Тыркуем икъэлэ ыкӏи ишъолъыр зэфэшъхьафхэм адыгэ фестиваль пчъагъэ ащырагъэкӏокӏыгъ, ахэм нэбгырэ минипшӏ пчъагъэ ахэлажьэ.
Шъугу къэтэгъэкӏыжьы Тыркуем адыгэ миллиони 5-м ехъу щэпсэу. Ахэр хэгъэгум икъэлэ пстэуми ыкIи адыгэ къоджэ 300-мэ ащэпсэух.
Comments
Post a Comment