Къэбэртэе — Бэлъкъар Республикэм ит къалэу Кенжэ - Профессиональ Бэнэн Лигэу PWL-Налщык 74-м изэнэкъокъу щыкӏуагъ. Килограмм 74 - м нэс къэзыщэчыхэрэм якуп текӏоныгъэр къыщыдахыным фэбэнагъэх дунаим икъэралыгъо 11-мэ къарыкӏыгъэ бэнэкӏо анахь лъэш 16, - къеты Риа Къэбэртэе-Бэлъкъар информацие агентствэм.
Кӏэух зэпэуцужьым Къэбэртэе-Бэлъкъарым илӏыкӏоу Закъуэ Анзор америкэм щыщэу Кэннон Вебстер ӏукӏагъ ыкӏи 4:3-у текӏоныгъэр къыдихыгъ.
А гъэхъагъэм ишӏуагъэкӏэ Закъуэ Анзор олимпиадэ чемпионэу Сидаков Заурбек пэшӏуекӏорэ зэнэкъокъум PWL-м ичемпион бгырыпх щенэкъокъун амал иӏэ хъугъэ.
Comments
Post a Comment