Адыгэ бэнакӏо ЛIыбзыу Заур медалитӏ къыщихьыгъ Филиппинхэм я къалащхьэ Манилэ щекӏуэгъэ Самбэмкӏэ Асиемрэ Океаниемрэ я чемпионатым. Заур Иорданием ихэщыпыкIыгъэ куп хэтэу бэнагъэ. Зэнэкъокъухэр мэкъуогъум и 25-м къыщегъэжьагъэу и 28-м нэс кӏуагъэх. Ащ фэгъэхьыгъэу самбэмкӏэ Дунэе федерацием исайт къыщатхыгъ — https://sambo.sport/en.
Ныбжьыкӏэ купэу илъэс 18-м къыщегъэжьагъэу 20-м нэс зыныбжьхэм, килограмм 79-м нэс къэзыщэчыхэрэм тыжьын медаль къащихьыгъ.
Ныбжьыкӏэ купэу илъэс 16-м къыщегъэжьагъэу 18-м нэс зыныбжьхэм, килограмм 79-м нэс къэзыщэчыхэрэм джэрз медалыр къащихьыгъ.
Мы гъэхъагъэр ЛIыбзыум аужырэ илъэсхэм гъэхъагъэу ышӏыгъэхэм ясатырэ лъигъэкӏотагъ, ыпэкӏэ 2025-рэ илъэсым Ташкент щыкӏогъэ Асием ичемпионат тыжьын медалыр, Джащ фэдэу Индонезием щыкӏогъэ кӏалэхэм азыфагу щыкӏогъэ дунэе чемпионатым джэрз медалыр къыщыдихыгъ, ащ къегъэлъагъо ренэу техникэ хэхъоныгъэу ышӏыхэрэр ыкӏи анахь лъэгэпӏэ иным тетэу бэнэн зэрилъэкӏырэр.
Къыхэгъэщыгъэн фае, ЛIыбзыу Заур ибэнэкӏо гъогу Адыгэ Республикэм, Урысые Федерацием ащыригъэжьагъ, иунагъошхуи Адыгеим икъэлэ шъхьаӏэу Мыекъуапэ щэпсэу.
Къыхэгъэщыныр: самбэмкӏэ Федерацием исайтым Заур ыцӏэ икъу мырэущтэу итхагъ: Libzo Zawer.
Comments
Post a Comment