Метрэ минитӏум ехъу илъэгагъэу осыр телъ зэпыт, ащ ыпкъ къикӏыкӏэ зекIо лъагъохэм якъызэӏухын мэкIэ-макIэу лъагъэкӏуатэ. Ау мэкъуогъум и I2-м къыщегъэжьагъэу зекIо-гъогу цӏэрыӏохэм ячӏыпӏиплӏымэ зекӏо кӏонхэ алъэкӏыщт, къыщаӏуагъ Кавказ ухъумэгъэ чIыналъэм ипресс-къулыкъу.
ЗекIо-гъогу № I3-у «Ачипсипэ псыкъефэххэм Адэжь» зыфиӏорэмкӏэ зекIуакIохэр зыгъэпсэфыпӏэу «Купель» зыфиӏорэм къыщегъэжьагъэу шъоф Хъураем нэс кӏонхэ алъэкӏыщт.
ЗекIо-гъогу № 8 — у» Аишъхьа зэпырыкӏыпӏэм зэпырыкӏызэ хы Шӏуцӏэ ӏушъом нэс " зыфиӏорэм Мостов шъолъырым ылъэныкъокӏэ пычыгъо иӏэ мэхъу-шIуцIэ макъэм къыщегъэжьагъэу Умпырэ нэс, чэщыр щырахын амал ащ къыщыдэлъытагъ. Мыщ дэжьым Красная Поляна ылъэныкъокӏэ дэкӏыпӏэр зэфэшӏыгъэу къэнэжьы.
ЗекIо-гъогу № 30 — р-зэлъашӏэрэ «Щэкӏыр» - зы мэфэ зекӏо шӏыкӏэм тетэу мэлажьэ. ЗекIуакIохэм уплъэкӏун‑лъэтегъэуцоу «Лагъо-Накъ» зыфиӏорэм къыщегъэжьагъэу ЗещакIо (инструктор) тӏуакӏэм нэс гъогу зэпачын алъэкӏыщт, ау чэщым къэнэнхэ алъэкIыщтэп.
Непэрэ мафэм ехъулӏэу пхырыкӏынхэ алъэкӏыщтыр зекIо-гъогу № I5»Красная Поляна — Медовеевка" зыфиӏорэр ары.
Адрэ лъагъохэр, зекIо уцупӏэхэр зэкӏэ осэу ателъым ыпкъ къикӏыкӏэ зэфэшӏыгъэхэу къэнэжьых. ЗекIо-гъогу гъунапкъэхэмрэ шапхъэхэмрэ зэрагъэцакӏэхэрэм къэралыгъо лъыплъакIохэр пхъашэу лъэплъэх. Джащ фэдэу Кавказ ухъумэгъэ чIыналъэм иӏофышӏэхэм агу къагъэкӏыжьы хьэхэр ягъусэхэу чӏыпӏэм ихьанхэ зэрэфимытхэр.
Кавказ ухъумэгъэ чIыналъэм укӏоныр ыпкӏэ хэлъэу щыт. Зы мэфэ зыныбжь икъугъэ билетым сомэ 500 ыуас; илъэс I8-м нэс зыныбжь кӏэлэцӏыкӏухэр ыпкӏэ хэмылъэу макӏох.
Кавказ къэралыгъо чӀыопс биосферэ ухъумэгъэ чIыналъэр анахь ин ыкӀи анахьыжъэу, хэушъхьафыкӀыгъэу къаухъумэрэ чӀыопс чӀыпӀэу адыгэ хэкум — Темыр Кавказым — щыӀэхэм ащыщ. Ар Урысые Федерацием исубъектэу щымэ — Краснодар шъолъыр, Адыгэ Республикэм ыкӀи Къэрэщэе-Щэрджэс Республикэм — ахэт.
Кавказ ухъумэгъэ чIыналъэр, климат зэфэзэщыгъэмрэ субтропэмрэ ягъунапкъэ ар щыӀ. Европэм икъушъхьэ-мэз ухъумэгъэ чIыналъэмэ анахь ин щыт. Ар зэкӀэмкӀи гектар мини 280-м ехъу еубыты.
Comments
Post a Comment