Шы спорт фестивал "Гъэмафэм и Гран-при" зыфиӏорэр мэкъуогъум и 7-м Адыгеим Иреспубликэ шыгъэчъапӏэ Мыекъуапэ дэтым щыкӏощт, къэзытхырэр Адыгэ Республикэм физ-культурэмкӏэ ыкӏи спортымкӏэ И Комитет.
Хьакӏэхэм программэ гъэбэжъу къапыщылъ. Сыхьатыр 10: 00-м къыщегъэжьагъэу шыгъэчъапӏэм ичӏыгу гъомылэпхъэ чӏыпӏэхэр къыщызэӏуахыщтых, кӏэлэцӏыкӏухэмрэ зыныбжь икъугъэхэмрэ апае зыгъэпсэфыпӏэ-егъэджэн программэ зэхащэщт, джащ фэдэу ӏэрышӏ пкъыгъохэм якъэгъэлъэгъон ыкӏи ящэн щыIэщт.
Къекӏолӏэрэ ныбжьыкӏэхэм джэгу г\ошIэгъонхэр аӏэкӏагъэхьащтых, джэгуалъэ пхъэ-шыхэмкӏэ артистхэм зэнэкъокъухэр зэхащэщтых.
Шы спорт фестивалым икъызэӏухын фэгъэхьыгъэ ӏофтхьабзэр сыхьатыр 11:30-м щыӏэщт, шыгъачъэхэр сыхьатыр 12:00-м рагъэжьэщтых. Зэнэкъокъум ипрограммэ шы лъэпкъышӏухэр зыхэлэжьэрэ шыгъэчъапӏибл къыхеубытэ.
Зэхэщакӏохэр Адыгэ Республикэм физ-культурэмкӏэ ыкӏи спортымкӏэ и Комитет Шыухэмрэ Шыӏыгъхэмрэ Я Хасэ игъусэу.
Comments
Post a Comment