Къумпӏыл Мурат - Сергей Меняйло
Адыгеимрэ Темыр Осетиемрэ-Аланиемрэ язэдэлэжьэныгъэ фэгъэхьыгъэ зэзэгъыныгъэм 2026-рэ илъэсым Санкт-Петербург щыкӏогъэ дунэе экономическэ форумым къыдыхэлъытагъэу зэдыкӏэтхагъэх. Ащ Фэгъэхьыгъэу Адыгэ Республикэм и Хэку-зещэ (Правительствэ) макъэ къыгъэӏугъ.
Тхьапэм кӏэтхагъэх Адыгеим и лӏышъхьэ Къумпӏыл Муратрэ Темыр Осетием-Аланием ипащэ Сергей Меняйло. Зэзэгъыныгъэм къыделъытэ сатыу-экономикэ, шIэныгъ-техникэ, культурэ ыкӏи шIушIэ лъэныкъохэмкӏэ лъэныкъуитӏум язэпхыныгъэхэм зягъэушъомбгъугъэныр.
Зэдэлэжьэныгъэм епхыгъэ къэгъэлъэгъонхэр, конференциехэр, семинархэр, зэӏукӏэгъухэр, ӏэнэ хъураехэр, нэмыкӏ ӏофтхьабзэхэр, джащ фэдэу псэушIэ организациехэм язэпхыныгъэхэм хэхъоныгъэ ягъэшӏыгъэныр, специалистхэм яӏэпэӏэсэныгъэ зыкъегъэӏэтыгъэныр, нэмыкӏхэри рахъухьэх.
"Темыр Осетиер-Аланиер Адыгеим щызэхащэрэ егъэджэн, культурэ, спорт, шIэныгъэ ыкӏи нэмыкӏ ӏофтхьабзэхэм ренэу ахэлажьэ. Тиартистхэри, тиспортменхэри ткъош республикэм тэгъакӏох, гуманитар шӏэныгъэхэмкӏэ шӏэныгъэхэмкӏэ ыкӏи специалистхэмкӏэ тызэхъожьы, джащ фэдэу экономикэ лъэныкъомкӏэ тызэдэлажьэ. Непэ зыкӏэтхэжьыгъэ тхьапэм а зэдэлэжьэныгъэр зэригъэпытэщтым, регионитӏуми шӏуагъэ къызэрафихьыщтым сицыхьэ телъ", - хигъэунэфыкӏыгъ Къумпӏыл Мурат.
Comments
Post a Comment