Сурэтыр: Жачэмыкъо Ислъам - Советская Адыгея.
Къалэу Мыекъуапэ - Адыгэ Республикэм икъэлэ шъхьаӏэ, гуманитар ушэтынхэмкӏэ Адыгэ республикэ институтэу (АРИГИ) Кӏэрэщэ Тембот ыцӏэ зыхьырэм ӏэнэ хъурае-къэгъэлъэгъонэу «Адыгэ Хабзэ: морально-правовой кодекс адыгов» зыфиӏорэр щыкӏуагъ. Гъэзетэу Советская Адыгеим къетхы.
Зытегущыӏэгъэхэ ӏофыгъо шъхьаӏэу щытыгъэр мы илъэсым къыдэкӏыгъэ зыцӏэ къетӏогъэ тхылъыр ары. Зэхэзыгъэуцуагъэр философие шӏэныгъэхэмкӏэ докторэу, КӀЭРЭЩЭ Тембот ыцӏэ зыхьырэ АРИГИ-м итхьэматэу ЛIыIужъу Адам.
Тхылъэу "Адыгэ Хабзэ: морально-правовой кодекс адыгов" зыфиӏорэм лъэпкъ культурэм хэлъ шэн-хэбзэхэр къыщегъэлъагъох. Адыгэхэм ядунае теткӏэ, ящыӏэкӏэ-псэукӏэ, яшэн-хабзэхэм защагъэгъозэнымкӏэ, шэн-хэбзэ горэхэр зэрэзэхащэхэрэм инэшанэхэм, мы хъугъэ-шӏагъэхэм якультурэ мэхьанэ, лъэпкъ ыкӏи дин лъэныкъом зэпхыныгъэу адыряӏэм защагъэгъозэнымкӏэ мы къыдэкӏыгъом ишӏуагъэ къэкӏощт.
Тхылъыр зытхыгъэм къызэриӏуагъэмкӏэ, илъэс заулэрэ ащ ӏоф дашӏагъ. Лъэпкъым ишэн-хабзэхэм афэгъэхьыгъэ шӏэныгъэлэжь шъэ пчъагъэмэ къаугъоигъэ материал пчъагъэхэр къыдэкӏыгъом лъапсэ фэхъугъэх.
Ӏофтхьабзэм хэлэжьагъэх хэку-зещэм икъулыкъухэм, республикэм ишIэныгъэлэжьыхэм ялӏыкӏохэр.
ӏэнэ хъураем къызэрэщаIуагъэмкIэ, мы Адыгэ Хабзэ тхылъыр 500 фэдиз къыдагъэкIыгъ ыкIи а пстэури занкӏэу цIыфхэм ащэфыгъэх. Гуманитар ушэтынхэмкӏэ Адыгэ республикэ институтэу Кӏэрэщэ Тембот ыцӏэ зыхьырэм наукэмкӏэ идиректор игуадзэу Биданок Марзият къызэриӏуагъэмкӏэ, тапэкӏэ нэмыкӏыбзэхэмкӏэ тхылъыр къыдэкӏынэу агъэнафэ: адыгабзэкӏэ, арапыбзэкӏэ, инджылызыбзэкӏэ ыкӏи тыркубзэкӏэ.
Comments
Post a Comment