Ти сайтым и лэжьыгъэм щыщ экономикэмрэ бизнесымрэ ехьыл1ыгъэу гъэхъагъэ зиIэ адыгэхэм якъэбархэр къыхэтэутых. Иорданием щыщ адыгэу, Иорданием иэкономикэ мэхьанэшхо зиӏэ ӏэнатӏэхэр щызыӏыгъ Адел Шаркас (Черкес) непэ нэӏуасэ шъуфэтэшӏы.
Адель Шаркас - иордан экономист ыкӏи политик, адыгэ лъэпкъым къыхэкӏыгъэ цIыф чанмэ ащыщ, Иорданием И Гупчэ банк 2022-рэ илъэсым къыщегъэжьагъэу ипащэу щыт. Ащ статистикэмкӏэ бакалавр тхылъ Ярмукскэ университетым 1988-рэ илъэсым къыщихьыгъ, а университет дэдэм экономикэмкӏэ имагистрэ 1990-рэ илъэсым къыдихыгъ. 2002-рэ илъэсым Америкэ и Ню Орлеан Университетым финанс экономикэмкӏэ идоктор тхылъ къыщихьыгъ. Иорданием И Гупчэ банк ипащэу 2022-рэ илъэсым ӏоныгъом и 10-м къыщегъэжьагъэу ар щыт.
Адел Ахьмэд Шаркас 1966-рэ илъэсым щылэ мазэм и 10-м къэхъугъ. Ащ иӏэпэӏэсэныгъэ Иорданием И гупчэ банк 1991-рэ илъэсым щыригъэжьагъ, ахъщэ-кредит политикэмкӏэ Департаментым ипащэу 2008-рэ илъэсым, етӏанэ ушэтынхэмкӏэ Департаментым идиректорэу 2011-рэ илъэсым, 2012-рэ илъэсым гупчэ банкым ипащэ игуадзэу хъугъэ.
Орлеаныкӏэм Иуниверситети лекциехэм къащишIыгъэх ыкӏи Иорданием Иуниверситет доцентыгъ. Адель Шаркас Хашемит университетым, Нью-Йорк итехнологие институт, банк ушэтынхэмкӏэ Институтым ӏоф ащишӏагъ, джащ фэдэу Америкэм Ит Альфред Университетым доцентэу щытыгъ.
2006-рэ илъэсым Къохьэпӏэ финанс ассоциацием и конференцие финансхэм алъэныкъокӏэ Гарольд Макгроу ыцӏэ зыхьырэ шӏухьафтынэу «Америкэм ибанкхэм шӏуагъэу къытырэм зэхэхьажьынхэмрэ зыӏуищэхэрэмрэ Яфэмэ-бжьымэ Къытырихьаныр» зыфиӏорэр, джащ фэдэу 2005-рэ ыкӏи 2006-рэ илъэсхэм США-м иуниверситетхэм якӏэлэегъаджэхэм апае шӏухьафтынэу «Хэт щыщ» зыфиӏорэр къыщихьыгъэх.
Адель Шаркас экономикэ-финанс IофхэмкIэ джыри ӏэнэтӏэ заулэ зэрехьэ.
Comments
Post a Comment