Мэфэ заулэкӏэ узэкӏэӏэбэжьмэ, Тыркуем ит къалэу Дюзджэ адыгэ культурэ ӏофтхьабзэу «Тызэгъусэу КIэнымрэ неущырэ Мафэмрэ» зыфиӏорэр щыкӏуагъ. Ӏофтхьабзэр къалэм дэт «Адыгэ Хасэм» зэхищэгъагъ. Сыт фэдэ адыгэ зэхыхьэхэм къыщагъэлъагъохэрэм фэдэу мы зэхахьэми, адыгэ орэдхэр, къашъохэр къыщагъэлъагъуагъэх, адыгэ хабзэм, адыгэ хэкум тегущыIагъэх ыкIи нэмыкIхэри адыгэ культурэм епхыгъэу къагъэлъагъуагъэх.
Адыгэ активистэу Талех Озкан ытхыгъэ рэзэныгъэ тхыгэр, джащ фэдэу ӏофтхьабзэм техыгъэ сурэт шӏагъохэр мыщ ичIэгъ итых.
«Адыгэ Хасэ Дюздже зэхищэгъэ "Тызэгъусэу КIэнымрэ неущырэ Мафэмрэ" зыфиӏорэ лъэхъаным икӏэух ӏофтхьабзэ тыхэлэжьагъ ыкӏи мы пчыхьэзэхахьэ иныр зэхэтщагъ.
Зэкӏэ хэлэжьагъэхэм, къыхэгъэщыгъэу тихасэ итхьэматэ, тхьашъуегъэпсэу ясӏожьы, мы хъугъэ-шIагъэ лъапӏэу тикультурэ кӏэн къэухъумэгъэным, къыткӏэхъухьэрэ лӏэужхэм ар аӏэкӏэгъэхьэгъэным, социаль зэгурыӏоныгъэр гъэпытэгъэным афэӏорышӏэрэм апае. Сценэм къытехьэгъэ пстэуми сыгу къыздеӏэу сафэгушӏо".
Comments
Post a Comment