Сурэтыр зытихыгъэр: Гусев Алексей.
Зэнэкъокъоу «Илъэсым Идоктор Анахь Дэгъу» зыфиӏорэм текӏоныгъэ къыщыдэзыхыгъэр Адыгэ республикэ онкологие диспансерэу М. Хь. Iэшъхьэмафэм ыцIэ зыхьырэм идоктор-гематологэу, гематологие гупчэм ипащэу Лэгъуф Зарин. Ащ фэгъэхьыгъэ къэбарэр гъэзетэу Советскэ Адыгеим къетхы.
Зэнэкъокъум щытекIуагъэм фагъэшъошагъ, IэпэIасэу Еутых Асе иIофшIагъэу «Сэтэнае икъэгъагъ» зыфиIорэр. Ар адыгэхэм ялъэпкъ уз-Iэзэным итамыгъэу щыт.
Зэнэкъокъум икӏэух едзыгъо изэфэхьысыжьхэмкӏэ Лэгъуф Зарина мэкъэтын мини 9,7-м ехъу къыхьыгъ. Ащи к1уач1э къыритыгъ апэрэ чIыпIэр къихьыным.
ШIухьафтынхэр афагъэшъошагъэх Мыекъопэ къэлэ кIэлэцIыкIу IэзапIэм идоктор-педиатрэу Елена Загуменновам, Адыгэ республикэ клиникэ сымэджэщым эндоскопиемкIэ икъутамэ ипащэу Нэгъой Батыр, уз-Iэзэн IэпыIэгъу псынкIэмкIэ ыкIи тхьамыкIагъохэм ахэфагъэхэм IэпыIэгъу ятыгъэнымкIэ Адыгэ республикэ гупчэм идокторэу Нарт Наталье, Адыгэкъэлэ сымэджэщым уIэгъэтологиемкIэ ыкIи ортопедиемкIэ икъутамэ идокторэу КIырмыт Мурат.
«Илъэсым Идоктор Анахь Дэгъу" зыфиӏорэм текӏоныгъэ ыкӏи лауреатхэм сыгу къыздеӏэу сафэгушӏо, — къыщитхыгъ Адыгэ Республикэм и лӏышъхьэу Къумпӏыл Мурат ичылагъо хъытыухэм.
Comments
Post a Comment