Адыгэ Республикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIэ къызэритыгъэмкIэ, 2026-рэ илъэсым жъоныгъуакIэм и 27-р — Къурмэн. Пчэдыжьым сыхьатыр 8-м мэфэкI нэмазыр аублэщт.
Быслъымэнхэм анахь агъэлъэпIэрэ мэфэкIхэм ар ащыщ. Зыгу шIу илъ пстэури зэзыпхырэ, цIыфхэр зэпэблагъэ зышIыхэрэ, гукIэгъум, лъытэныгъэм, шIушIэным, лъэпкъ шэн-хабзэхэм якъэухъумэн фэзыщэхэрэ мэфэкI Къурмэныр.
ХьаджышIыным икIэухэу щыт мы мэфэкIыр нэфым, къэбзагъэм, гукIэгъум, шIушIэным афэлажьэ. ЦIыфхэр нахь зэпэблагъэ ешIых, чылэм зэфагъэр, зэрэлъытэжьыныгъэр нахь щегъэпытэх, уигупсэхэм унаIэ атетын зэрэфаер джыри зэ угу къегъэкIыжьы.
Comments
Post a Comment