Къэбэртэе-Бэлъкъар Республикэм (Адыгэ хэкум икъокӀыпӀэ лъэныкъу) щыщ адыгэ дзюдоистэу Блый Аюб Кыргызстан икъэлэу Душанбе щыкӀогъэ зэнэкъокъоу «Grand Slam» зыфиӀорэм апэрэ чӀыпӀэр къыщыдихыгъ. Къэбэртэе-Бэлъкъарым ипащэу КIокIо Казбек чылагъо хъытыум нэкӀубгъоу щриӀэм ащ фэгъэхьыгъэ къэбарыр къыщиутхыгъ.
Аюб кг 60-м нэс къэзыщэчъыхэрэм якуп щыбэнагъ ыкIи кӀэух зэӀукӀэгъум (финал) Украинэм щыщ бэнакӀом текӀуагъ.
«Аюб игухэлъ пытэу, иӀэпэӀэсэныгъэ лъагэу зэрэщытым пае сишъыпкъэу сыфэраз! Тичемпионрэ итренерхэмрэ псауныгъэ яӀэу, насыпышӀохэу, яӀофхэр къадэхъухэу, Хэгъэгум ищытхъу нахьыбэу аӀэтыным пае спортым нахьыбэу щыхахъонэу сафэлъаӀо!» — къиӀуагъ Къэбэртэе-Бэлъкъарым ипащэ.
Comments
Post a Comment