Израиль ит адыгэ къуаджэу Кфар Кама илъэс къэс мэфэкӀ цӀыф спортышхо щызэхащэ. «Кфар Кама къеохьы» зыфиӀорэ Ӏофыбзэм ныбжькӀэ зэфэшъхьафхэр, кӀали, жъыи къекӀолӀэх. Къуаджэр къеохьэу километрэ заулэ хъурэ гъогуитӀу ашӀыгъ: зыр кушъхьэфэчъэрысхэм, адрэр лъэсрыкӀохэм апае. Къуаджэм дэсхэм ямызакъоу, Израиль зэрэщытэу цӀыфхэр Ӏофыбзэм къырещэлӀэх.
Ӏофыбзэм игухэлъхэр спортыр, лъэсрыкӀо зекӀохэр къэIэтыныгъэр ары , адыгэ къуаджэр, адыгэ лъэпкъыр, адыгэ хэкур зэхагъэшӀэнхэу ары.
Кушъхьэфэчъэрысхэмрэ лъэсрыкӀохэмрэ гъогухэр къызаухыкIэ, къуаджэм къэкӀожьых ыкIи адыгэ къашъохэм алъэгъух, адыгэ шхыныгъохэм ахаIэх, къуаджэм, адыгэ тарихъым, культурэм ащыгъуазэ ашӀых.
Мыгъэ ар жъоныгъуакӀэм и 9-м щыӀагъ, Израиль ичӀыпӀэ пстэуми къарыкӀыгъэ хьакӀэ шъэ пчъагъэ ащ къекӀолӀагъ. Мыхэр Кфар Кама чӀыпӀэ Хасэм и Facebook нэкӀубгъо къытырилъхьэгъэ сурэтхэр арых.
Comments
Post a Comment