Адыгеим и ЛӀышъхьэу КъумпӀыл Мурат Адыгеим испортсменэу ЦӀыкӀу Рэмэзан Европэм самбэмкӀэ изэнэкъокъу гъэхъагъэ щышӀыгъэм фэшӀ фэгушӀуагъ.
Европэм щыщ анахь лъэшхэу 300-м ехъу Тбилиси зэӀукӀагъэхэм хэлэжьагъэх. Урысые Федерацием ихэшыпыкӀыгъэ командэ хэгъэгу быракъым ыкӀи хэгъэгу-орэдым арытыгъэу зэнэкъокъум хэлажьэ. Адыгеим испорменхэи хэшыпыкӀыгъэ командэм хэт, самбэр лъапсэ зыфэхъугъэ республикэм илӀыкӀо.
Килограмм 64-рэ къэзыщэчырэ куп зэнэкъокъухэм ахэлэжьагъэ Рэмэзанэ Нидерландхэм, Белоруссием, Азербайджан къарыкӀыгъэхэм атекӀуагъ, ау гухэкӀ нахь мышӀэми, зэнэкъокъур зыщыкӀогъэ Грузием илӀыкӀо ешӀэгъур ыхьыгъ. Европэм изэнэкъокъу къыщихьыгъэ тыжьын медалыр мафэ къэс зэрэзэрегъасэрэм, зэрэпытагъэм, ежь Рэмэзанэ, итренерхэм, иупшысакӀохэм кӀуачӀэшхо зэрэрахьылӀагъэм яшӀуагъэ къэкӀуагъ. ТекӀоныгъэхэр, гъэхъэгъэшӀухэр ышӀынхэу сыфэлъаӀо! - КъумпӀыл Мурат ичылагъо хъытэу нэкӀубгъохэм къыритхыхьагъ.
Comments
Post a Comment