Непэ хэти нафэ къыфэхъугъ адыгабзэр чӀыпӀэ дэй зэрэщытыр, адыгэхэм ащ зыгорэшхокӀэ пэуцужьыгъо амышӀымэ, илъэс пшӀы пчъагъэхэм адыгабзэр дунаим щыӀэжьыщтэп.
Адыгабзэм икъефэхынкӀэ ушъхьагъуабэ щыӀ, ау анахь шъхьаусыгъоитӀур: Урысые Федерациер адыгабзэм зэрэпымылъыр ыкӀи адыгэхэр зы чӀыпӀэ зэрэщымысыхэу дунаим зэрэщытэкъохьыгъэхэр ары.
Непэ дунаим щыӀэ технологием амал къеты ыпшъэкӀэ зигугъу къэтшӀыгъэ пэрыохъуитӀур зэпырытхынхэу ыкӀи адыгабзэм хэхъоныгъэ егъэшӀыгъэнымкӀэ амалэу щыӀэхэр мыхэр арых:
Ӏ. Дунэе телевизие чэщ-мафи адыгабзэкӀэ къэтынхэр зышӀыщтыр гъэпсыгъэныр.
2. Дунэе радиоу чэщ-мафи адыгабзэкӀэ къэтынхэр зышӀыщтыр гъэпсыгъэныр ары.
3. АдыгабзэкӀэ Ӏоф зышӀэщт сайт гъэпсыгъэн. Ащ фэдэ сайтыр адыгэ лъэпкъым, адыгэ хэкум япхыгъэ къэбарылъхьан ӀофшӀэным щылэжьэщт.
4. Адыгабзэм изэгъэшӀэн еджапӀэ лъэгапӀэ пстэури зыщызэрагъашӀэщт еджапӀэ интернет сайт гъэпсыгъэныр ары.
5. Адыгабзэм ихэхъоныгъэ, игъэпытэн фэгъэхьыгъэ Дунэе Фонд гъэпсыгъэныр ары.
Бзэр зыгъэпытэщт нэмыкӀ шӀыкӀабэ щыӀ, ау адыгабзэр зыгъэлъэпӀэщт анахь мэхьанэ зиӀэ тфымэ ары мыщ къыщытӀуагъэр.
Адыгэр лъэпкъ цӀыкӀуэп ыкӀи тхьамыкӀэп, мыщ къыщытӀуагъэхэр Адыгэхэм зэхащэн алъэкӀыщт ащ ӀэпэӀэсэныгъэ хэлъэу дэлажьэхэмэ. Мы ӀофшӀэнхэр Европэр зыщыгъэпсыгъэн фаер.
Мы программэр гъэцэкӀэгъэнымкӀэ апэрэ лъэбэкъоу ашӀыщтыр адыгабзэмкӀэ дунэе комитет шъхьаф зэхащэныр ары.
Comments
Post a Comment