«Информационные технологии и языков народов РФ» зыфиӏорэ конференциеу Москва щыкӏуагъэм адыгабзэр платформэу «Яндекс Зэдзэкӏакӏу»зыфиӏорэм зэрэхагъэхьагъэр официальнэу къыщаӏуагъ. Ащ Фэгъэхьыгъэу къыӏотагъ Адыгэ Республикэм и лӏышъхьэу Къумпӏыл Мурат.
Джы платформэр зыгъэфедэхэрэм текстхэр адыгабзэкӏэ нэмыкӏыбзишъэм ехъукӏэ зэрадзэкӏынхэ ыкӏи къызэкӏагъэкӏожьынхэ алъэкӏыщт. Мы фэӏо — фашӏэр Зэдзэкӏакӏом исайт ыкӏи имобильнэ приложение, джащ фэдэу тематическэ зэдзэкӏын блокэу Лъыхъоным хэтым ащыӏэх, - къыӏуагъ Къумпӏыл Мурат.
Уф-м щыпсэурэ лъэпкъхэм Я унэ игъусэу къэралыгъо программэу УФ-м щыпсэурэ лъэпкъхэм абзэхэр къэухъумэгъэнхэм фэгъэхьыгъэм къыдыхэлъытагъэу лъэпкъ ӏофхэмкӏэ Федерал агентствэм иӏэпыӏэгъукӏэ проектыр компаниеу «Яндексым» зэригъэцэкӏагъэр республикэм ипащэ хигъэунэфыкӏыгъ. Бзэшӏэныгъэмкӏэ къэбар жъугъэу рагъэжьэщтым Пае Ищыкӏагъэр Адыгэ къэралыгъо университетым испециалистхэм къаугъоигъ ыкӏи зэхэщакӏохэм аӏэкӏагъэхьагъ.
Адыгеим и лӏышъхьэ къыхигъэщыгъ ӏэмэ-псымэм игъэфедэн зэкӏэ зышӏогъэшӏэгъонхэм Адыгабзэр зэрагъэшӏэнэу, лъэпкъ тхакӏохэм, усакӏохэм яоригинал текстхэм нэӏуасэ зафашӏынэу, адыгэхэм якультурэ бай нахь куоу ауплъэкӏунэу амал зэраритыщтыр.
Comments
Post a Comment