2026-рэ илъэсым жъоныгъуак1эм и 9-м Тыркуем ишъолъырэу Коджаэли ит къалэу Картэпэ Адыгэ музеир къыщызэӀуахыгъ. КъызэӀуахыгъэным фэгъэхьыгъэ тхыгъэ ыпэкӀэ къыхэтыутыгъагъ. Ащ къызэӀуахыгъэм къыщытырахыгъэ сурэтхэмрэ музеим ыкӀоцӀ къыщытырахыгъэ сурэтхэмрэ непэ къышъуфэтэхьых.
КъызэӀухыгъом хьакӀэу къекӀолӀагъэр бэ, ахэм ащыщых Картэпэ итхьэматэ, Коджаэли шъолъырым щыщ Адыгэ хасэхэм япащэхэр, Тыркуем иадрэ шъолъырхэм, къалэхэм ащыIэ Адыгэ хасэхэм япащэхэр, ахэм ащыщых Истамбыл, Анкара, нэмыкӀхэри.
Музеим ыкӀоцӀ къыщытырахыгъэхэр Тыркуем щылажьэрэ адыгэ медиеу «Nart Agency» зыфиӀорэр исурэтых. КъызэӀухыгъом къыщытырахыгъэхэр адыгэ лъэпкъ ӀофышӀэу Мэхъмэт Сэлджук Къаплъан исурэтых.
Comments
Post a Comment