Адыгеим ияпшӀэнэрэ класс щеджэрэ Роман Кузнецовым Урысые Федерацие еджапӀэ олимпиадэу хьисапымкӀэ щыкӀорэм икӀэух едзыгъо шӀухьафтын къыщыдихыгъ. Глеб Стеблинымрэ Мамый Ярэрэ щытхъу тхылъхэр къафагъэшъошагъэх,- гъэзетэу «Советскэ Адыгеим» къетхы.
Олимпиадэу хьисапымкӀэ щыкӀуагъэм икӀэух уцугъо Москва щыкӀуагъ. Урысые Федерацием ишъолъыр 82-мэ яеджакӀохэу я 9 — 11-рэ классхэм ащеджэхэрэм анахь дэгъухэу 499-рэ кӀэух уцугъом хэлэжьагъ.
Адыгэ Республикэм икомандэ хэтыгъэх республикэ еджапӀэу шӀэныгъэ хэхыгъэхэр ыкӀи хьисапыр зыщаджыхэрэм (РЕМШ) иеджакӀохэу Мамый Ярэ (я 9-рэ класс), Роман Кузнецовыр (я 10-рэ класс), Алексей Демченкэр ыкӀи Глеб Стеблиныр (я 11-рэ класс).
РЭМШ-м икӀэлэегъаджэхэу Наталья Куприенкэм, Сергей Бойченкэм, Юрий Карпенкэм, Адыгеим ихэшыпыкӀыгъэ командэ зипэщэ Андрей Резниковым кӀэлэеджакӀохэр Олимпиадэхэм афагъэхьазырых.
Comments
Post a Comment