Адыгэ Республикэм щыщ спортакIо Яна Сотиевам онтэгъугъэ IэтынымкIэ Европэм изэнэкъокъум тыжьын медаль къихыгъ. Тэхъутэмыкъое шъолъырым ипащэу Савэ Аскэр чылагъо хъытыум къыщиӀуагъ.
Олимпие хэхыгъэ-купым яспорт еджапӀэу N 2-у Тэхъутэмыкъое шъолъырым щыӀэм икӀэлэеджакӀу.
Зэнэкъокъур Георгием (Грузием) икъалэу Батуми щыкӀуагъ. Янэ кг 86-рэ нэс къэзыщэчъырэ купым ахэтыгъ, къэпхъотэнымк1э ыкӀи къык1эӀэтынымкӀэ зэхэтэу кг 247-рэ къыӀэти, ятӀонэрэ чӀыпӀэр къихыгъ.
«Янэ ыкӀи ащ игъэсакIо Роман Казаковым мы гъэхъэгъэшхомкӀэ сафэгушӀо! Мыр медалэ къодыеп, ар ӀофшӀэнышхоу, уахътэу ащ тыригъэкӀодагъэм, ицыхьэ зэрэтелъым яшӀуагъэ. ТапэкӀи гъэхъэгъэшӀухэр ышӀынхэу, текӀоныгъэ гъэшӀэгъонхэр къыдихынхэу, чIыпIэ анахь лъагэхэр къыхьынхэу фэсэӀо», — ытхыгъ шъолъырым ипащэ.
Comments
Post a Comment