Тыркуем икъалэу Самсун иIофчIэс (офис) зиӀэ Адыгэ Бизнесменхэм я Хасэ (Ассоциацие) хэтхэм пчыхьэшъхьэ шхэныгъо зэхахьэ афызэхищагъ. Самсун дэт шхэпӀэу «Гюзелялы Балыкчысым» зэхахьэр щыкӀуагъ. Мыр Хасэм и Facebook нэкӀубгъо къыщатхыгъ.
Зэхахьэм бизнес хасэм ипащэу Эрдал Сан хасэм иӀофшӀэн къытегущыӀагъ, ащ бизнесмен кIэу хасэм къыхэхьагъэхэм нэIуасэ афишIыгъэх.
Ащ нэмыкӀэу адыгэ лъэпкъым пае агъэпсыгъэ программэу (app) NartGo зыфиӀорэм игъэпсакӀоу Ясин Гюнеш ащ фэгъэхьыгъэ къытегущыIагъ.
Зэхахьэм хэлэжьэгъэ пстэуми ыкIи къыхэгъэщыгъэу Кавказ Фондым и Президентэу Арыхъан Вейсэл тхьэегъэпсэу араIуагъ зэхэщакIохэм.
Шъугу къэдгъэкӀыжьын, адыгэ организациехэм къызэралъытэрэмкӀэ, Тыркуем адыгэ нэбгырэ миллиони 5-м ехъу щэпсэу. Ахэр организацие 200-м ехъуу зэхэщэгъахэу къэралыгъо псаум щэлажьэх, адыгэ къоджэ 300-м ехъу мы къэралыгъом ит.
Comments
Post a Comment