2026-рэ илъэсым мэлылъфэгъум и 1 — 7-м Урысые All-Style НыбжьыкӀэ Каратэ зэнэкъокъоу илъэс 14 — 20 зыныбжьхэр зыхэлэжьагъэхэр Орел щыкӀуагъ. Хэгъэгум ишъолъыр 66-мэ къарыкӀыгъэ спортмен 2500-рэ фэдиз ащ хэлэжьагъ.
Зэнэкъокъу пхъашэм хэлажьэхэзэ, Адыгеим ихэшыпыкӀыгъэ командэ дышъэ медалитӀу, тыжьын медалиплӀ, джэрз медалитӀу къыхьыгъ. Адыгэ Республикэм каратэмкӀэ ифедерациеу щыӀэм къызэритыгъэмкӀэ, ар къыхиутыгъ «Советскэ Адыгеим».
Адыгеир нэбгырэ 16 хъурэ командэу зэнэкъокъум хэлэжьагъ. «Full contact with protective equipment» ыкӀи «limited contact» зыфиӀохэрэ лъэныкъохэмкӀэ спортменхэр зэнэкъокъугъэх.
Comments
Post a Comment