2010-рэ илъэсым къыщегъэжьагъэу дунаим щыпсэурэ адыгэхэм Адыгэ ныпыи (быракъым) и Мафэ мэлылъфэгъум и 25-м хагъэунэфыкӀы. Адыгэ РеспубликэмкӀэ мы мафэр мэфэкӀ официальнэу щыт, ащ епхыгъэ Ӏофтхьабзэ зэфэшъхьафхэу зэхащэхэрэр правительствэм зэрегъафэх.
Къэбэртэе-Бэлъкъар, Къэрэщэе-Щэрджэс республикэхэм, Хы ШӀуцӀэ Ӏушъо щыпсэурэ Шапсыгъэхэм яшъолъыр адыгэ хасэхэм, организациехэм мы мафэм фэгъэхьыгъэ Ӏофтхьабзэхэр зэхащэх.
Тыркуем, Сирием, Иорданием, Израиль, Европэм ит къэралыгъохэм, Америкэм, Канадэм, нэмыкӀхэм ащыпсэурэ Адыгэхэм Адыгэ ныпым и Мафэ хагъэунэфыкӀы.
Адыгэ тарихъым къыкӀоцӀ нып зэфэшъхьафхэр щыӀагъэх, джырэ ныпыыр, щхъуантӀэу щэбзищрэ жъогъо 12 зытетхэр, 1830-рэ илъэсым ТӀуапсэ щыкӀогъэ Адыгэ Лъэпкъ Зэфэсым унашъо ышӀи, адыгэ къэралыгъом иныпэу аштагъ.
Comments
Post a Comment