Мы къэбарым къыдэхьэгъэ сурэтхэр ыкӀи видеор Адыгэ Республикэм ителевидение ижурналистэу ГъукӀэлӀ Сусаннэ и Инстаграм нэкӀубгъоу @guchetl.susanna зыфиӀорэм къыщыхиутыгъэх. Тыркуем щыӀэ адыгэ къуаджэу Хьаджмыкъохьаблэ (Узунтарла) джырэблагъэ къыщызэӀуахыгъэ адыгэ музееу щыӀэм ащ къыщегущыӀэ.
Къуаджэр Истамбыл иӀэгъо-благъоу, икъокӀыпӀэ лъэныкъокӀэ, Коджаэли хэкум щыӀ. Адыгэ кIэныгъэ пкъыгъуабэ музеим чӀэлъ.
Музеим чӀэлъ пкъыгъу пстэуми ашъхьагъытхыгъэу, зыфэдэхэр, ацӀэхэр тырку ыкӀи адыгабзэкӀэ тхыгъэу щыт.
Шъугу къэтэгъэкӀыжьы Тыркуем анахь инэу дунаим щыӀэ Адыгэ Хэхэсхэр зэрэщыпсэурэр, ахэр нэбгырэ миллионитфым ехъухэу къалъытэх. Тыркуем икъалэ пстэуми ахэр ащэпсэух, адыгэ зэхахьэ шъитӀум ехъ (организацие) ахэм ащэлажьэ. Адыгэ къоджэ 300-м ехъуи Тыркуем щыӀ.
Comments
Post a Comment