Урысые Федерацием ыцӀэкӀэ хъулъфыгъэхэм ыкӀи бзылъфыгъэхэм онтэгъу къэӀэтынымкӀэ я Кубок мэзаем и 3-м къыщегъэжьагъэу и 6-м нэс Люберцы щыкӀощт. ЗэкӀэмкӀи онтэгъу къэзыӀэтырэ нэбгырэ 232-рэ ащ хэлажьэ, джащ фэдэу АМ къеты.
Адыгэ Республикэм щыщ Бзэсэжъ Аслъан джэрзыр къыдихыгъ. Килограмм 67-рэ къэзыщэчырэхэм якуп хэхьагъэу, ӀэпэдэдзымкӀэ килограмм 124-рэ, къэӀэтыгъо-къегъэхыгъомкӀэ килограмм 152-рэ къыӀэтыгъ. ЗэкӀэмкӀи килограмм 276-рэ къызэриӀэтыгъэм джэрзыр къыфихьыгъ.
Бзэсэжъ Аслъан Мухьарбый ыкъор, онтэгъу къэӀэтынымкӀэ спортым имастерэу, спортсмен чанэу щыт. 1999-рэ илъэсым мэлылъфэгъум и 20-м Адыгеим ит къуаджэу Кощхьаблэ къыщыхъугъ. Я 9-рэ классым зыщеджэщтыгъэ 2014-рэ илъэсым онтэгъу къэӀэтыным пыщагъ.
Comments
Post a Comment