Тхьамафэ ипэкIэ тисайт адыгабзэм изакъоу охътэ гъэнэфагъэм Ӏоф дишӀэнэу унашъо тышӀыгъагъ.
Мы тхьамафэм къыкӀоцӀ мы Iофым нахь куоу тегупшысэжьыгъ, ыкIи зэдгъапщагъэ бзихыкIэ улэжьэнэра хьауми Адыгабзэ закъокIэ улэжьэнэра Адыгэ лъэпкъым пае нахь ишIуагъэ зыхэлъыр. Ащ къызэригъэлъэгъуагъэмкӀэ, ныдэлъфыбзэ закъомкIэ тисайт лэжьэным нахьи бзихыкIэ лажьэмэ нахьышIоу къыкIэкIыгъ ыкIи ар Адыгэ лъэпкъым пае нахь дэгъу къыкIэкIыгъ.
Шъыпкъэ, адыгабзэм джыри лъэщэу тырилэжьэщт нэмыкӀ бзэхэми ары. Адыгэхэм такъяджэ зырызэуи зэхэтыхэуи (хасэхэр, ассоциациехэр, организациехэр, нэмыкӀхэри) тисайт зэрэщытшӀэрэм фэдэу адыгабзэми Ӏоф дашӀэнэу.
Мы тхыгъэу къыкӀэлъыкӀорэр тхьамафэ ипэкIэ тытхыгъагъэр ары:
Тисайт къычӀахьэрэ пстэуми шӀуфэс шъотэхы.
Зэрэшъолъэгъоу тисайтэу Адыгэ щыӀакӀ (АдыгЛайф) бзих щэтэгъэфедэ ыкӀи ар зыкӀэтшӀырэр сайтыр зыгъэфедэрэр нахьыбэ хъуныр ары.
Мыгъэ бзэ хыкӀэ къыдэтхэрэр, пӀомэ хъущт, пӀалъэкӀэ къэтыгъэу сайтым зэхъокӀыныгъэшхо фэтэшӀы. Адыгабзэ закъок1э тисайт тгъэлажьэу тыублэщт. Ащ ушъхьагъу фэхъурэр адыгабзэр плӀанэпэм зэрэрагъэуцолӀэрэр, ащ икъэгущыӀакӀэ мафэ къэс нахь макӀэ зэрэхъурэр зэхэтшӀэу, нэрылъэгъу тфэхъоу зэрэщытыр ары.
Шъыпкъэр зыфэдэр тисайт изакъоп, дунаим тет адыгэ пстэуми бзэр зэкӀэ шӀыкӀэ-амалхэу щыӀэхэмкӀэ агъэфедэу рагъэжьэн фае. Ащ фэдэ ӀофшӀэн хэмылъэу адыгабзэр кӀодыщт, адыгэ лъэпкъри, хэкури ащ дэкӀодыжьыщтых.
Адыгабзэм идэкӀоежьын иӀофшӀэн хэхъоныгъэ фэтшӀыным фэшӀ тлъэкӀ къэдгъэнэщтэп. АщкӀэ зэкӀэми тыкъафэджэ.
Джырэ къызнэсыгъэм къыхэтыутыгъэхэр хьакӀэхэр зыщыплъахьанхэ алъэкӀыщт архивыу сайтым къытенэщтых. Сайтым ычӀэгъыкӀэ джырэ къызнэсыгъэм тызэрытхэгъэ бзэхэм яспискэ щытыщт, бзэм утеIункӀэмэ тхыгъэхэр плъэгъунхэ плъэкӀыщт.
АдыгабзэкӀэ Интернетым щылажьэрэ сайтхэр, нэкӀубгъохэр зэкӀэ тисайт къыщыхэдгъэуцонхэуи ыуж титыщт.
Comments
Post a Comment