Лъэпкъ проектэу «Дунейпсо зэдэлэжьэныгъэмрэ экспортымрэ» зыфиӀорэм къыдыхэлъытагъэу Адыгэ Республикэм и Экспорт ӀэпыӀэгъу и Гупчэ Адыгеим ипредпринимательхэм апае Абхъазым (Сухум) дунэе бизнес-миссие мэзаем и 17-м къыщегъэжьагъэу и 20-м нэс зэхещэ. Ар къыщыхигъэщыгъ Гупчэм ипресс-къулыкъу къытыгъэ къэбарым къытегущыӀэзэ гъэзетэу «Советская Адыгея» зыфиӀорэм.
«Дунае бизнес миссиер щэфакӀохэм ягеографие нахьыбэ шӀыгъэнымкӀэ, гъусэ кӀэхэр къэгъотыгъэнхэмкӀэ, дунэе бизнес зэпхыныгъэхэр гъэпытэгъэнхэмкӀэ амал. Программэм хэхьэх Абхъазым ит хэушъхьафыкӀыгъэ предприятиехэм якӀуалӀэхэр, гъусэ зыфэхъущтхэм бизнес зэӀукӀэгъухэр адашӀыгъэнхэр, бэдзэр амалхэм, зэдэлэжьэныгъэм ишапхъэхэм зыщагъэгъозэныр», — къыщеӀо тхыгъэм.
Адыгеим щытхэгъэу экспортым фэӀорышӀэрэ къыдэгъэкӀыпӀэхэу Абхъаз Республикэм ибэдзэр ихьаным фэщагъэхэр хэлэжьэнхэу рагъэблагъэх. Адыгэ Республикэм и Экспорт ӀэпыӀэгъу и Гупчэ бизнес-миссием изэхэщэн епхыгъэ мылъкухэр, бизнес-программэм изэхэгъэуцон, Абхъазым щыкӀощт Ӏофтхьабзэхэм язэхэщэн ащыщхэр, ыпэкӀэ ригъэуцощтых. Бизнес-миссием хэлажьэхэрэм ягъогу, япсэупӀэ, яшхын ахъщэу атекӀодэрэр зэрагъэзекӀожьыщт.
Ухэлэжьэным фэгъэхьыгъэ упчӀэхэмкӀэ Адыгеим и Экспорт ӀэпыӀэгъу гупчэ зыфэжъугъаз.
Comments
Post a Comment