Сурэтыр: Нащ Расул гупчэм ит (дышъэ медаль).
Урысые Федерацие самбо зэнэкъокъоу зиныбжь илъэс 24-м нэс азыфагу щыкӀуагъэр Нижнэ-Новгород шъолъырым ит къалэу Кстово щыкӀуагъ. Адыгэ Республикэм испортсменхэм медал 7 къыдахыгъ,- джащ фэдэу къыщатхы Урысые самбо Федерацием исайт.
Урысые Федерацием мы ныбжьыкӀэ купым самбэмкӀэ анахь лъэшхэу хэтхэр, лъэпкъ командэм ирезерв пэблагъэхэу, зэнэкъокъушхохэм ахэлэжьэнхэм фэхьазырхэр зэӀукӀэгъум щызэхащагъэх.
ЗэӀукӀэгъухэм Нащ Расул дышъэ медал къыхьыгъ -79-килограм купым, Бэтмэн Амин тыжьын медал къыхьыгъ - 53-кг. НэмыкӀ бэнэкӀуи 5-мэ джэрзыр къахьыгъ: Коблэ Рэмэзан 58-кг, Хьакъуй Амир 79-кг, ТхьакӀэхъу Ратмир 98-кг ехъу, Хьакъуй Инвер 71-кг, бзылъфыгъэхэм ащыщэу Едыдж Разет 80-кг ехъу.
Зэнэкъокъум ыуж Урысые Федерацием и командэр зэхащэщт ыкӀи дунэе зэнэкъокъухэм ахэлэжьэщт.
Comments
Post a Comment