«ТВ къэтын занкӀэм» икъыдэгъэкӀын зыщыкӀорэм Къэбэртэе-Бэлъкъар Республикэм и ЛӀышъхьэу Коков Казбек шъолъырым изекӀоным иӀофхэмкӀэ анахь мэхьанэ зиӀэ хъугъэ-шӀагъэхэр зэфихьысыжьыгъэх, къегъаӀо Риа Къэбэртэе-Бэлъкъар.
Республикэм ипащэ къызэриӀуагъэмкӀэ, зекӀо къэкӀуакӀэм хэхъоныгъэ ешӀы, инфраструктурэм изегъэушъомбгъун зэпэшӀуекӀорэу, зэтегъэпсыхьагъэу зэрэзэшӀуахыщтым хабзэм икъулыкъушӀэхэм анаӀэ тырарагъадзэ.
2030-рэ илъэсым нэс зекӀо нэбгырэ миллионитӀу къаӀукӀэнхэу ыпэкӀэ пшъэрылъэу зыфагъэуцужьыгъагъэр мыгъэ зэрагъэцэкӀэщтыр КӀэкӀуэ Казбек къыхигъэщыгъ. А псынкӀэу хэхъуагъэм стратегием зыхэплъэжьыгъэныр къыдигъэкӀыгъ.
"Непэ зекӀо къэкӀуакӀэм хэхъоныгъэшхо егъэшӀыгъэныр тэрэзэп, сыда пӀомэ ащ иинфраструктурэ тфэгъэпсын тлъэкӀыщтэп. Арышъ, гухэлъ гъэнэфагъэ иӀэу, лъэубакъэ-лъэубакъэу хэхъоныгъэхэр ашӀых: псэупӀакӀэхэм яшӀын, къэчъапӀакӀэхэм ягъэпсын", къыӀуагъ Къэбэртэе-Бэлъкъарым ипащэ.
Республикэм зыгъэпсэфыпӀэхэмрэ зекӀонымрэкӀэ и Министерствэ къызэритырэмкӀэ, Ӏуашъхьэмафэ чӀыпӀэр илъэс псаумкӀэ анахь «зыщызэӀухьэрэ» чӀыпӀэ шъхьаӀ, зекӀоу къэкӀуагъэхэм япроцент 70-м нэс ащ къытефэ. Чэгъэмрэ Чэрэкъымрэ яшъолъырхэм псынкӀэу ахэхъо. НэмыкӀ чӀыпӀэ пэрытхэм ащыщх Налщык зыгъэпсэфыпӀэ къалэр, Нарзанэ чӀыпӀэ эко-паркыр, Янтарьнэ ыкӀи Гъэдыкъо псыфэбэхэр.
Comments
Post a Comment