2025-рэ илъэсым чъэпыогъум и 28-м Къэбэртэе-Бэлъкъар Республикэм (Кавказ - Адыгэ хэку) испортсменкэу Бекъулэ Миланэ Китайм щыкӀогъэ Дунэе зэнэкъокъоу таэквондомкӀэ тарихъым хэхьагъэм тыжьын медаль къыщыдихыгъ.
ИлъэситӀу къэс зэнэкъокъухэр зэхащэх, мыгъэ къэралыгъо 182-мэ яспортсменхэр ахэлэжьагъэх. Дунэе Тэквондо Федерацием къэралыгъо 214-рэ ыкӀи спортсмен нэбгырэ миллион 80 фэдиз зэрепхы.
Зэнэкъокъушхо щыӀагъэми, Миланэ лъэшэу зыкъыщигъэлъэгъуагъ, Къэбэртэе-Бэлъкъарым дунэе щытхъур къыфихьыгъ. КъэӀогъэн фае Урысые Федерацием изаслуженнэ тренерэу Ахъмэтэ Амир ипэщэныгъэкӀэ Миланэ зэрэтекӀуагъэр.
Comments
Post a Comment