Мы илъэсым шышъхьэӀум къэтытхыгъагъ дунаим щызэбгырыкӀыгъэ адыгэхэм ятарихъ, якультурэ, яшэн-зекӀуакӀэ дахэ зыхэлъ адыгэ лъэпкъыр дунаим къырагъэлъэгъуным фэшӀ зэӀукӀэ е фестиваль зэхэхьэхэм Адыгэхэр хэмылажьэхэу къагъанэрэп. Ащыгъум Канадэм щыпсэурэ адыгэхэу Нотр Дам де Грас фестивалым хэлэжьагъэхэм такъытегущыIэгъагъ.
Мыгъэ Ӏоныгъом Анталие ирайонэу Муратпаша щыкӀогъэ "Шъолъырхэмрэ Шъохэмрэ" psab1jh' фестивальым хэлэжьагъэхэ Анталие (Тыркуе) щыпсэурэ адыгэхэр. Мызэгъогум, ащ афэгъэхьыгъэу тыкъытегущыӀэщт. Илъэсибгъу хъугъэу зэхащэрэ фестивалым ассоциацие зэфэшъхьаф 80 хэлажьэ.
Анталие щылажьэрэ Адыгэ тарихъ ыкӀи социальнэ ушэтын ассоциациер фестивалым хэлэжьагъэхэм ащыщ. Адыгэхэм, Адыгэ хэгъэгум афэгъэхьыгъэ тхылъхэр, щыгъынхэр, шъуашэхэр, адыгэ культурэм щыщ пкъыгъо пчъагъэхэр къызыщагъэлъэгъорэ пчэгу ассоциацием ыгъэпсыгъ.
Анталия къалэ Адыгэ нэбгырэ мин заулэ щыпсэу, ахэр адыгэ хасэ зэфэшъхьаф заулэмэ ахэтых. Къалэм пэблагъэу адыгэ къуаджитӀу щыӀ.
Comments
Post a Comment