2018-рэ илъэсым шышъхьэӀум и 1-м ехъулӀэу Урысые Федерацием унэ ушIыным пае къэралыгъом фит-тхьапэ къыпӀихын ищыкӀагъэп. ЧӀыгу Ӏахьыр зиеу щытым псэупӀэ (унэ) зэригъэпсыщтымкӀэ чӀыпӀэ хэбзэ къулыкъум макъэ ригъэӀуныр икъущт.
Макъэ-гъэIум хэбгъэхьан фаеу щытхэр: чӀыгу Ӏахьыр зием ыцӀэ-унацӀэ икъоу, зыщыпсэурэр, паспортым иномер, Е-mail, чӀыгу Ӏахьым иадрес ыкӀи икадастровэ номер, чӀыгу Ӏахьыр зыфэдэу къызфагъэфедэн зэралъэкӀыщтыр, унэшӀыным ипроект, унэр зыфэдиз хъущтыр (унэр зыер ежьырыжьэу унэ планыр ышӀын ылъэкӀыщт), унэр гъунэгъу чӀыгу Ӏахьхэм зэрапэчыжьэр ыкӀи чӀыгу Ӏахьыр зэрием ишыхьатныгъэ икопие.
ЧӀыгу Ӏахьымрэ унэу ащ тешӀыхьащтымрэ шапхъэу хэбзэгъэуцугъэм щыӀэхэм адиштэхэмэ чӀыпӀэ администраторым еуплъэкӀу. Шапхъэхэм адимыштэмэ чӀыгу Ӏахьыр зием чӀыпӀэ администраторым ащ фэшъошэ тхылъ фегъэхьы.
ӀофшӀэныр зэрэкӀорэр:
Я 1-рэ лъэбэкъур — унэшъо зэрашӀыщтымкӀэ макъэ агъэӀу.
Я 2-рэ лъэбэкъур — унэшъом ипараметрэхэр зэрагъэцакӀэхэрэмкӀэ чӀыпӀэ къулыкъухэм джэуап къатыжьы.
Я 3-рэ лъэбэкъур — унэшъор зэраухыгъэмкӀэ макъэ агъэӀу (техническэ план иӀэу).
Я 4-рэ лъэбэкъур — унэшъор къэлэ гъэпсыкӀэ шапхъэхэм ыкӀи унашъохэм адиштэу зэрашӀыгъэр къэзыушыхьатырэ джэуап къаӀэкӀэхьэ.
Я 5-рэ лъэбэкъур — унэр Табу щатхы.
Унэу зыщыпсэущтым иие зыхъугъэр сыд фэдэ псэолъэшӀыгъэ лъэхъаным щатхышъущта? Унэу зыщыпсэущтым иие зыхъугъэр «коробка (унэ зэфэшIыгъэ)» зыфаӀорэ псэолъэшӀыгъэ лъэхъаным щатхышъущт.
Шапхъэхэр: Ӏ) Унэр лъапсэ тетын фае, арышъ, чӀыгум дэгъоу пыщэгъэн фае.
2) Унэр тепловой контур хъугъэн фае, арышъ, зэтешӀыхьагъэу щытын фае. Унашъхьэр, шъхьаныгъупчъэхэр, пчъэхэр хэуцуагъэхэу. (Псы, электрокъуат, гъэстыныпхъэ гъаз, канализацие пыщэгъэнхэу щытэп).
ЗэрэшъолъэгъурэмкӀэ, Ӏоф зэрэзэхэпщэщтыр зэкӀэ къызэрыкӀо, унэ пшӀынымкӀэ унашъо къыпӀэкӀэхьан ищыкӀагъэп. Ау псэупӀэ пшӀынымкӀэ шапхъэ шъхьаӀэхэм уадиштэныр мэхьанэшхо зиӀэ Ӏоф: къат зэрэхъущтыр щым ехъущтэп, унэр гъунэгъу чӀыгу Ӏахьхэм зэрягъэпсыгъэщтымкӀэ хабзэм къыдилъытэрэ чыжьагъэхэм адиштэщт. Къатищым ехъу псэупӀэ пшӀынэу уфаемэ, хэушъхьафыкӀыгъэ унашъохэр (фит-тхьапэхэр) къэралыгъом къыуитынхэ фае.
Comments
Post a Comment