Долэ Долэт - Владимир Свеженец - Шъхьэлэхъо Аскэр.
Адыгэ Республикэм и ЛӀышъхьэ и УнашъокӀэ 2025-рэ илъэсым шышъхьэӀум и 29-м Долэ Долэт Адыгэ Республикэм лъэпкъ ӀофхэмкӀэ, хэхэсхэм адыряӀэ зэпхыныгъэхэмкӀэ ыкӀи къэбар жъугъэм иамалхэмкӀэ и Комитет и Тхьаматэу агъэнэфагъ. Ащ ыпэкӀэ Адыгэ Республикэм чӀыпӀэ зыгъэӀорышӀэжьын органхэм адыряӀэ зэпхыныгъэхэмкӀэ и Комитет и Тхьаматэ игуадзэу щытыгъ.
Ӏоныгъом и 1-м Долэ Долэт Комитетым иӀофышӀэхэм, республикэ Медия-м ипащэхэм аӀукӀагъ. Тхьаматэу къыхахыгъэм икъэгъэлъэгъон фэгъэхьыгъэ зэхахьэм хэлэжьагъэх Адыгеим и ЛӀышъхьэрэ Адыгеим иминистрэхэм я Кабинетрэ я Администрацие ипащэу Владимир Свеженец ыкӀи 2011-рэ илъэсым къыщегъэжьагъэу мы ӀэнатӀэр зыӀыгъыгъэ Шъхьэлэхъо Аскэр.
Долэ Долэт иӀофшӀэн ыкӀи ицӀыфыгъэ фыщытхъухэзэ, Комитетым пшъэрылъэу щытхэр дэгъоу зэшӀуихынхэ зэрилъэкӀыщтым яцыхьэ зэрэтелъыр къаӀуагъ.
Comments
Post a Comment