15.09.2025, Грозный.
Урысые Федерацием и ЛӀыхъужъэу Ахмат-Хаджи Кадыровым ишӀэжь фэгъэхьыгъэ я 17-рэ Дунэе зэнэкъокъоу боксымкӀэ Грознэ щыкӀуагъэр аухыгъ. Хэгъэгу 18-мэ къарыкӀыгъэ нэбгырэ 140-рэ ащ хэлэжьагъ. Къэбэртэе-Бэлъкъар Республикэм и Чэгэм район испорт еджапӀэ къэзыухыгъэ Кушъхьэ Аминэ Урысыем ихэшыпыкӀыгъэ командэ хэтагъ,- къегъаӀо къэбарлъыгъэӀэс амалэу РИА Кабардино-Балкария зыфиӀорэм.
Сербием, Къыблэ Осетием, Узбекистан, Венесуэлэ къарыкӀыгъэ спортсменхэм Аминэ зэӀукӀэгъуиплӀ адишӀыгъ.
ЗэкӀэ зэӀукӀэгъухэр икъэу ыхьыгъэхэу, кг 75-рэ къэзыщэчыхэрэм якуп зэнэкъокъум итекӀуагъэ хъугъэ, Урысыем спортымкӀэ имастер, Дунэе класс зыфиӀорэ щытхъуцӀэр къыхьыным фэшӀ ищыкӀэгъэ шапхъэхэр ыгъэцэкӀагъэх. Итренер КӀэрэф Залым.
Comments
Post a Comment