Сурэтыр: КъумпӀыл Мурат и Telegram-канал
Адыгэ Республикэм щыщ спортсменэу Къэрдэнэ Аслъан Урысые Федерацием и Кубок бэнэныгъэ Рим-ГрикмкIэ (классикэмкӀэ) зэнэкъокъоу илъэс 18-м ыныбжь нэс кӀалэхэм азыфагу щыкӀуагъэм апэрэ чӀыпӀэр къыщыдихыгъ. Ащ фэгъэхьыгъэ къэбарыр республикэм ипащэу КъумпӀыл Мурат исоциальнэ хъытыухэм къыщитхыгъ.
Адыгеим щыпсэурэр бэнакIом Яблоновскэ спорт еджапӀэм щеджагъ. Нижнэгородскэ хэкум икъалэу Бор щыкӀогъэ зэнэкъокъум текӀоныгъэ зыщыдихыгъэ зэӀукӀэгъуи 5 щыриӀагъ ыкӀи чемпион хъугъэ.
— Аслъанрэ ащ итренеррэ мы гъэхъагъэмкӀэ сафэгушӀо, псауныгъэ пытэ иӀэу, джыри гъэхъэгъакӀэхэр ышӀынхэу сыфэлъаӀо. Мы шӀухьафтыныр къыкӀэлъыкӀощт спорт лъэгапӀэхэм яублэпӀэ пытэ хъунэу! — къыӀуагъ КъумпӀыл Мурат.
Comments
Post a Comment