Къэбэртэе-Бэлъкъар Республикэм и Лъэпкъ музейрэ Адыгэ Республикэм и Лъэпкъ музейрэ зэгъусэхэу къэгъэлъэгъонэу «Адыгэ бзылъфыгъ. Зэтегъэпсыхьагъ, дах, шъуаш» зыфиӀорэр Налщык къыщызэӀуахыгъ, ар адыгэ шъуашэм фэгъэхьыгъ,- къегъаӀо Риа Къэбэртэе-Бэлъкъарым.
Адыгэ бзылъфыгъэхэм ясэнэхьатхэр, ящыӀэныгъэ хъугъэ-шӀэгъэ инхэр, яшъуашэ зэхэлъыкӀэ гъэнэфагъэхэр, ядышъэ-тыжьынхэр, ӀэшӀагъэхэр, ящыӀэкӀэ-псэукӀэ, ядин пкъыгъохэр къэзыгъэлъэгъорэ музей пкъыгъохэр къэгъэлъэгъоным хэтых.
Ар тематикэу тӀу гощыгъ: археологиерэ этнографиерэ, тиэрэ ыпэкӀэ я 12 — 7-рэ лӀэшӀэгъухэм къащегъэжьагъэу я 19-рэ лӀэшӀэгъум ыкӀэм нэс къыхеубытэ.
Адресыр: Горкэм ыцӀэкӀэ щыт урамыр, 62, Налщык, Къэбэртэе-Бэлъкъар Республик. Сайтыр: museum-kbrglav.ru
Comments
Post a Comment