Адыгэ Республикэм ифестиваль шъхьаӀэхэм ащыщэу Адыгэ Къуае Фестивалым зыкъыушыхьатыжьыгъ, Урысые Федерацием ишъолъыр зэфэшъхьафхэм къарыкӀыгъэ нэбгырэ мин 70-м ехъу хьакӀэу къекӀолӀагъ. Ащ фэгъэхьыгъэу къытыгъ Адыгеим и ЛӀышъхьэу КъумпӀыл Мурат.
— ЗэхэщакӀо пстэуми, гъэцэкӀэкӀо хэбзэ къулыкъухэми, муниципалитетхэми, щэрэ къуаерэ къыдэзыгъэкӀырэ организациехэми, предприятиехэми, шIыхьафхэми, фестивалым хэлэжьагъэхэ пстэуми лъэшэу тафэраз, республикэм щыпсэухэрэми, ащ ихьакӀэхэми агу къинэжьыщт гукъэкӀыжьхэр къазытыгъэ чэфыгъо шъыпкъэр къызэрагъэпсыгъэм пае, — къыӀуагъ КъумпӀыл Мурат.
Щынэгъончъагъэр, рэхьатныгъэр къэзыухъумагъэхэ къулыкъухэм: хэгъэгу кӀоцӀ ӀофхэмкӀэ Министерствэм, ошӀэ-дэмышӀэ ӀофхэмкӀэ Министерствэм, Урысые гвардием, Къэралыгъо автомобиль инспекцием афэшъхьафэу тхьашъуегъэпсэу ариӀуагъ. Пстэуми зэдырагъаштэу Ӏоф зэрашӀагъэм ишӀуагъэкӀэ фестивалыр лъэгэпӀэ инхэм нэсыгъэу, республикэм щыпсэухэрэми, хьакӀэхэми гукъэкӀыжь дэгъухэр къафигъэнагъэхэу зэрэкӀуагъэр Адыгеим и ЛӀышъхьэ къыхигъэщыгъ.
Comments
Post a Comment